بیونس آئرس (این این آئی)ارجنٹینا کے کپتان لیونل میسی نے اپنے کیرئیرکے800 گول مکمل کرنے کے بعد کیوروسا کے خلاف انٹرنیشنل گولز کی سینچری مکمل کرکے ایک اور اعزاز اپنے نام کر لیا۔کیوروسا کے خلاف میچ کے دوران میسی نے انٹرنیشنل گولز کی سینچری مکمل کرنے کے ساتھ گولز کی ہیٹ ٹرک بھی کر لی جبکہ اپنے ملک کیلئے انٹرنیشنل گولز کی سینچری کرنے والے پہلے کھلاڑی بھی بن گئے ہیں۔انٹرنیشنل فٹبال میں 100 گول مکمل کرنے کے بعد لیونل میسی سب سے زیادہ گول کرنے والے پلیئرز کی فہرست میں تیسرے نمبر پر آگئے ہیں، وہ پرتگال کے کرسٹیانو رونالڈو سے 15 اور ایران کے علی دایی سے صرف 7 گول پیچھے ہیں۔

موضوعات:لیونل میسی