بولان(آئی این پی)بولان میں سردار یار محمد رند کے بیٹے قاتلانہ حملے میں بال بال بچ گئے انکے قافلے کے قریب بم دھماکے میں 2 محافظجاں بحق اور ایک زخمی ہوگیا۔تفصیلات کے مطابق بلوچستان کے علاقے بولان میں سنی کے مقام پر رکن صوبائی اسمبلی سردار یار محمد رند کے بیٹے سردار خان رند کے قافلے کے قریب زور دار دھماکے میں ان کے 2 محافظ جاں بحق اور ایک زخمی ہوگیا۔لیویز حکام کے مطابق دھماکے میں سردار خان محمد رند محفوظ رہے، جاں بحق افراد کی لاشیں اور زخمی کو قریبی اسپتال منتقل کردیا گیا ہے۔وزیراعلی بلوچستان میر عبدالقدوس بزنجو نے بولان میں دھماکے کی مذمت اور شہادتوں پر افسوس کا اظہار کرتے ہوئے کہا ہے کہ دہشتگرد خوف و ہراس کی فضا پیدا کرنا چاہتے ہیں، صوبے میں امن و امان کی صورتحال برقرار رکھی جائے گی۔