ہفتہ‬‮ ، 29 ‬‮نومبر‬‮ 2025 

پاکستان میں غربت کہیں نظر نہیں آئی،بھارتی نغمہ نگار جاوید اختر

datetime 2  مارچ‬‮  2023 |

ممبئی (مانیٹرنگ ڈیسک ،آئی این پی)بھارتی نغمہ نگار و لکھاری جاوید اختر کی ایک ویڈیو سوشل میڈیا پر وائرل ہو رہی ہے جس میں وہ ایک بھارتی شو میں شریک ہیں۔جاوید اختر سے پاکستان کی معاشی حالت، بیروزگاری اور غربت سے متعلق سوال کیا جاتا ہے جس کے جواب میں وہ کہتے ہیں کہ بھارت میں غربت بالکل ہمارے آنکھوں کے سامنے ہے،یہاں ارب پتی شخص کے

ساتھ ہی آپ کو غریب آدمی بھی نظر آئے گا لیکن پاکستان میں ایسا دکھائی نہیں دیتا۔شاید پاکستان میں غربا کو شہروں تک نہ آنے دیا جاتا ہو یا اس کی وجہ کوئی اور بھی ہو سکتی ہے تاہم آپ کو لاہور کی گلیوں میں کوئی غریب نظر نہیں آئے گا۔ممبئی میں تو سب کچھ سامنے ہے۔امیر بھی سامنے ہے اور غریب بھی سامنے ہے۔میں لاہور 3 بار گیا لیکن کبھی مجھے وہاں غریب نظر نہیں آیا۔یہ بات حیران کن ہے کہ وہ اس بات کو یقینی بنا لیتے ہیں کہ شہروں میں آپکو غربت دکھائی نہیں دیتی۔اُدھر غریبوں کے گھر نظر نہیں آتے، سڑک پر کوئی غریب نظر نہیں آتا۔اینکر کی جانب سے سوال کیا گیا کیا پتہ آپ کو ایسی گلیوں سے لے جایا جاتا ہو جہاں غربت کا نام و نشاں نہ ہو۔جس پر جاوید اختر نے کہا کہ غربت ہو تو کہیں نہ کہیں جھلک نظر آ جاتی ہے۔ممبئی میں کوئی مہمان آئے ، کسی بھی سڑک سے لے جائیں تو اسے غربت دکھائی دے گی مگر پاکستان میں ایسا نہیں دیکھا۔علاوہ ازیں جاوید اختر نے لاہور میں ہونے والے فیض میلے میں کہی گئی اپنی بات پر

رد عمل دیتے ہوئے بتایا کہ پنڈال میں موجود ایک عمر رسیدہ خاتون نے سوال کیا تھا کہ پاکستانی لوگ تو بھارتیوں کو اچھا سمجھتے ہیں پھر انڈین لوگ پاکستانیوں کو غلط کیوں کہتے ہیں؟انہوں نے کہا کہ انہوں نے اس کا جواب اچھے دل اور انتہائی ادب و احترام کے ساتھ دیا تھا جسے پاکستانیوں نے بھی حوصلے سے سنا لیکن ان کی مذکورہ بات کو بھارت میں بڑھا چڑھا کر پیش کیا گیا۔

جاوید اختر کا کہنا تھا کہ انہیں بھارت میں یہ احساس دلانے کی کوشش کی گئی کہ جیسے وہ تیسری عالمی جنگ جیت کر آئے ہوں۔ انہوں نے اعتراف کیا کہ مذکورہ بیان پر بھارت میں ان کی حد سے زیادہ تعریفیں کیے جانے پر اب انہیں شرمندگی ہونے لگی ہے اور اسی وجہ سے اب وہ کسی ٹی وی کو انٹرویو ہی نہیں دے رہے۔

یہ ویڈیو دیکھ کر خوشی ہوئی، جاوید اختر بھارت میں پاکستان کی ایک خوبصورت تصویر پیش کرتے ہوئے۔۔۔ pic.twitter.com/B358TqRusI

— Hina Parvez Butt (@hinaparvezbutt) March 1, 2023

موضوعات:

آج کی سب سے زیادہ پڑھی جانے والی خبریں


کالم



جنرل فیض حمید کے کارنامے(چوتھا حصہ)


عمران خان نے 25 مئی 2022ء کو لانگ مارچ کا اعلان کر…

جنرل فیض حمید کے کارنامے(تیسرا حصہ)

ابصار عالم کو 20اپریل 2021ء کو گولی لگی تھی‘ اللہ…

جنرل فیض حمید کے کارنامے(دوسرا حصہ)

عمران خان میاں نواز شریف کو لندن نہیں بھجوانا…

جنرل فیض حمید کے کارنامے

ارشد ملک سیشن جج تھے‘ یہ 2018ء میں احتساب عدالت…

عمران خان کی برکت

ہم نیویارک کے ٹائم سکوائر میں گھوم رہے تھے‘ ہمارے…

70برے لوگ

ڈاکٹر اسلم میرے دوست تھے‘ پولٹری کے بزنس سے وابستہ…

ایکسپریس کے بعد(آخری حصہ)

مجھے جون میں دل کی تکلیف ہوئی‘ چیک اپ کرایا تو…

ایکسپریس کے بعد(پہلا حصہ)

یہ سفر 1993ء میں شروع ہوا تھا۔ میں اس زمانے میں…

آئوٹ آف سلیبس

لاہور میں فلموں کے عروج کے زمانے میں ایک سینما…

دنیا کا انوکھا علاج

نارمن کزنز (cousins) کے ساتھ 1964ء میں عجیب واقعہ پیش…

عدیل اکبرکو کیاکرناچاہیے تھا؟

میرا موبائل اکثر ہینگ ہو جاتا ہے‘ یہ چلتے چلتے…