ابوظہبی(این این آئی)متحدہ عرب امارات (یو اے ای)میں یہ وطن سب کیلئے کے سلوگن کے تحت 3روزہ ویزا مہم جاری ہے۔مذکورہ مہم یو اے ای میں ویزے کے مسائل سے دوچار افرادکیلئے سنہری موقع ہے۔میڈیارپورٹس کے مطابق یو اے ای کے جنرل ڈائریکٹوریٹ آف ریذیڈنسی اینڈ فارن افیئرز نے اعلان کیا کہ امارات

میں غیر قانونی مقیم افراد رابطہ کریں، سیاحتی اور رہائشی ویزے سے متعلق مشکلات حل کرائی جاسکتی ہیں،ویزے کے مسائل کے حل کیلئے دبئی کے دیرہ سٹی سینٹر میں خصوصی ڈیسک قائم کردیا گیا۔حکام کے مطابق تین روزہ مہم 25سے27فروری تک جاری رہے گی، ویزا سینٹر صبح 10سے رات 10بجے تک کھلا رہیگا، ویزا ختم ہونے والے افراد رابطہ کریں، ویزاسینٹر سے لوگ بلاخوف رابطہ کریں، مددکی جائیگی۔حکام نے عوام کویقین دہانی کرائی کہ جو افراد10برس سے زائد غیرقانونی طور پر رہائش پذیر ہیں تو وہ بھی رابطہ کریں، ویزا سینٹر حل نکالیگا۔اماراتی ویزے سے زائد مدت قیام پریومیہ 50درہم جرمانہ ہوتا ہے، یہ جرمانہ ویزہ منسوخی پر بھی لاگو ہوتا ہے۔یو اے ای کے جنرل ڈائریکٹوریٹ آف ریذیڈنسی اینڈ فارن افیئرز نے اعلان کیا کہ امارات میں غیر قانونی مقیم افراد رابطہ کریں، سیاحتی اور رہائشی ویزے سے متعلق مشکلات حل کرائی جاسکتی ہیں،ویزے کے مسائل کے حل کیلئے دبئی کے دیرہ سٹی سینٹر میں خصوصی ڈیسک قائم کردیا گیا۔