کراچی(این این آئی)عالمی سطح پر سود کی بڑھتی ہوئی شرح اور آئی ایم ایف پروگرام کی بحالی سے متعلق حکومتی خاموشی کے باعث 17 روزہ وقفے کے بعد ڈالر دوبارہ سر اٹھانے لگا، منگل کو ڈالر کے انٹربینک ریٹ 262 روپے سے تجاوز کرگئے اور اوپن ریٹ بھی دوبارہ 269 روپے کی سطح پر آگئے۔

واضح رہے کہ گزشتہ 17 روز میں ڈالر کی نسبت روپیہ 5.31 فیصد تگڑا ہوگیا تھا لیکن ماہرین کا کہنا ہے کہ ڈالر تکنیکی بنیادوں پر نیچے آیا تھا اسی لیے منگل کو ڈالر کی نسبت روپیہ ایک بار پھر دبا میں دیکھا گیا۔ماہرین کا کہنا ہے کہ رئیل ایفیکٹیو ایکسچینج ریٹ میں بہتری کے علاوہ کرنٹ اکانٹ خسارہ گھٹ کر 21 ماہ کی کم ترین سطح پر آگیا ہے اور سپلائی بھی بہتر ہوگئی ہے لیکن ان عوامل کے باوجود ڈالر دوبارہ تگڑا ہونے لگا ہے۔انٹربینک مارکیٹ میں منگل کو کاروبار کے ابتدائی دورانئیے میں ڈالر 13 پیسے کی کمی سے 261.75 روپے کی سطح پر آگیا تھا لیکن وقفے وقفے سے ڈیمانڈ آنے کے سبب ڈالر کی قدر میں اتار چڑھا دیکھا گیا۔ایک موقع پر ڈالر کی قدر 62 پیسے کے اضافے سے 262 روپے 50 پیسے کی سطح پر آگئی تھی تاہم کاروبار کے اختتام پر ڈالر کے انٹربینک ریٹ 63 پیسے کے اضافے سے 262.51 روپے پر بند ہوئے اسی طرح اوپن کرنسی مارکیٹ میں ڈالر 1 روپے 25 پیسے اضافے سے 269 روپے پر بند ہوا۔