اسلام آباد (مانیٹرنگ ڈیسک )نومولود بچی کے پیٹ پر دل والے نشان رنگ نے ڈاکٹر ز کو بھی حیرت میں ڈال دیا۔ نجی ٹی وی جیو کے مطابق کیا کبھی کوئی سوچ سکتا ہے کہ کسی کا پیدائشی نشان محبت کی علامت والے دل کی طرح ہو اور پھر اس کا رنگ بھی سرخ ہو؟
یقیناً یہ ایک انوکھی بات ہے لیکن ایسا ہوا ہے۔برطانوی میڈیا رپورٹس کے مطابق گزشتہ برس فروری کی 22 تاریخ کو ایک بچی کی پیدائش ہوئی جس کا نام جورجیا رکھا گیا، جورجیا کی پیدائش پر ڈاکٹرز سمیت اس کی والدہ حیران رہ گئیں۔ حیرانی کی وجہ یہ تھی کہ اس کے پیٹ کے ایک طرف ایک مخصوص نشان تھا جس کی شکل دل جیسی تھی، عجیب بات یہ تھی کہ اس نشان کا رنگ بھی سرخ تھا۔جورجیا کی ماں 37 سالہ جین ویلچ نے بتایا کہ جب ڈاکٹرز اور نرسوں نے اس کے جسم پر یہ نشان دیکھا تو وہ پہلے یقین ہی نہیں کرسکے، جورجیا میری پہلی اولاد ہے جس کے اوپر یہ انوکھا پیدائشی نشان اس کو دوسروں سے مخصوص کرتا ہے۔انہوں نے بتایا کہ ‘ڈاکٹرز نے ہم سے کہا تھا کہ یہ نشان جورجیا کی عمر کے ساتھ ساتھ ختم ہوجائے گا لیکن ایسا نہ ہوا، یہ نشان اسی سائز کا اب تک موجود ہے، نا ہی اس کا رنگ ماند پڑا۔
