اسلام آباد(این این آئی)وفاقی وزیر داخلہ رانا ثناء اللہ نے کہا ہے کہ پی ٹی آئی سے غیر مشروط بات ہوسکتی ہے۔نجی ٹی وی میں گفتگو کرتے ہوئے رانا ثناء اللہ نے کہاکہ وطن واپسی کا فیصلہ نواز شریف صاحب خود کریں گے، وہ وطن آکر اپنے کیسز کا سامنا کریں گے۔انہوں نے کہا کہ الیکشن میں انتخابی مہم کو نواز شریف صاحب لیڈ کریں گے، ان کی واپسی کا فیصلہ الیکشن مہم شروع کرنے سے مشروط ہے۔رانا ثنا ء اللہ نے مزید کہا کہ پاکستان کا بڑا مسئلہ معیشت ہے، اس کا حل انتخابات نہیں چارٹر آف اکانومی ہے۔انہوں نے کہاکہ معاشی صورتحال پر وزیر خزانہ اسحاق ڈار نے صدر عارف علوی کو بریف کیا ہے۔

موضوعات:!رانا ثناء اللہ