اسلام آباد (مانیٹرنگ ڈیسک )شادی والے گھر میں صفت ماتم بچھ گئی ،9 روز بعد شادی سے قبل ہی نوجوان حادثے میں جاں بحق ہو گیا ۔ تفصیلات کے مطابق شادی کے کارڈ کی تقسیم کرنے والا نوجوان موٹر سائیکل حادثے میں جاں بحق ہو گیا ۔ جی این این کی رپورٹ کے مطابق یہ افسوسناک حادثہ خانیوال کبیر والہ روڈ پر پیش آیا جہاں دو موٹر سائیکل سوار آمنے سامنے سے ٹکرا گئے۔موٹرسائیکل سوار جنید احمد تصادم کے نتیجے میں گنے سے بھری تیز رفتار ٹریکٹر ٹرالی کے نیچے آ کر موقع پر ہی دم توڑ گیا۔رپورٹ کے مطابق 9 روز بعد جنید احمد کی شادی تیار تھی جبکہ وہ اپنی شادی کے کارڈز تقسیم کرنے کیلئے گھر سے نکلا تھا لیکن سڑک پر حادثے کا شکار ہو کر دم توڑ گیا ۔