لاہور(این این آئی) پنجاب حکومت نے وزیراعلیٰ چودھری پرویز الٰہی کے لیے جہاز کرائے پر لینے کا فیصلہ کرلیا۔نجی ٹی وی کے مطابق پنجاب حکومت نے وزیراعلیٰ کے لئے نئے جہاز کا بجٹ منظور نہ ہونے پر اب جہاز کرائے پر لینے کا فیصلہ کرلیا ہے۔ذرائع کے مطابق صوبائی حکومت وزیراعلیٰ پنجاب کے لیے جہاز کرائے پر لے گی اور اس پر 12 کروڑ روپے خرچ کئے جائیں گے۔نجی ٹی وی نے ذرائع کے حوالے سے بتایا کہ وزیراعلیٰ کے لئے جہاز 5 ماہ کے لیے کرائے پر لیا جائے گا اور اس حوالے سے ایوان وزیراعلیٰ نے محکمہ خزانہ کو آگاہ کردیا ہے۔