اسلام آباد (مانیٹرنگ ڈیسک/این این آئی)ملتان کرکٹ اسٹیڈیم میں 16 سال بعد ٹیسٹ کرکٹ کھیلی جارہی ہے جہاں انگلینڈ کی ٹیم ٹاس جیت کر پاکستان کے خلاف بیٹنگ کررہی ہے انگلینڈ کے خلاف ڈیبیو کرنے والے پاکستانی اسپن بولر ابرار احمد نے

اپنے پہلے ہی میچ میں 7 کھلاڑیوں کو آئوٹ کر کے ریکارڈ بنا دیا ۔پاکستان کی طرف سے اسپن بولر ابرار احمد نے ملتان کرکٹ سٹیڈیم میں پہلا انٹرنیشنل ٹیسٹ میچ کھیلا ،ابرار احمد کو ہیڈ کوچ ثقلین مشتاق نے ٹیسٹ کیپ دی۔ملتان میں جاری ٹیسٹ میچ میں ابرار احمد نے اپنے پہلے اوور کی پانچویں گیند پر انگلینڈ کے اوپنر زیک کرولی کو بولڈ کیا۔ابرار احمد نے پہلے روز انگلش ٹیم کے7ھلاڑیوں کو پویلین کی راہ دکھائی، زیک کرولی 19، بین ڈکٹ 63، اولی پوپ 60، جو روٹ 8، ہیری بروک 9 رنز بناکر آئوٹ ہوئے۔واضح رہے کہ راولپنڈی میں کھیلے گئے میچ میں پاکستان کی جانب سے لیگ اسپنر زاہد محمود، حارث رف، سعود شکیل اور محمد علی نے ڈیبیو کیا تھا۔جبکہ 3ٹیسٹ میچوں کی سیریز میں انگلینڈ کو ایک صفر کی برتری حاصل ہے۔