اسلام آباد (این این آئی)پاکستان پیپلز پارٹی کے رہنما اور سابق چیئرمین سینیٹ رضا ربانی نے آئینی تقرریوں پر وزیراعظم کا صوابدیدی اختیار ختم کرنے کا مطالبہ کردیا ہے۔ یہ اختیار آئینی عہدے اور ادارے کے لیے بدنامی کا باعث بنتا ہے۔انہوں نے کہا کہ ایک سیاسی جماعت نے اپنے ایجنڈا کے لیے آرمی چیف کی تقرری کے وقت ایسا کیا، آئین کے آرٹیکل 175 اے کی شق 3 کے تحت سب سے سینئر جج چیف جسٹس مقرر ہوتا ہے، آرمڈ فورسز چیف کی تقرری کے حوالے سے آئین کے آرٹیکل 243 میں بھی ترمیم کی جائے، متعلقہ فورس کے سینئر ترین افسر کو چیف آف سٹاف مقرر کیا جائے۔انہوں نے کہاکہ ترمیم سے کمانڈ کی تبدیلی متنازع نہیں ہوگی، اس سے وزیر اعظم اپنے صوبدیدی اختیار سے دستبردار ہو جائیں گے۔