فیصل آباد(آن لائن)مسلم لیگ ن کے مرکزی رہنمااسراراحمدمنے خان نے کہاہے کہ 13دسمبرکو5کیسزکی سماعت میں عمران خان نااہل جبکہ میاں نوازشریف چندہفتوں میں واپسی کے بعداہل ہونے والے ہیں۔کھڑی کے فیصلہ میں وہ ایک گھڑی بھی سیاست کے قابل نہیں رہیں گے۔جب وہ پارٹی کے چیئرمین نہیں رہیں گے تووہ اپنی جماعت سمیت سیاسی طورپردفن ہوجائیں گے۔
اُن کاکہناتھاکہ عمران خان خودکونااہل کرنے کاالزام عائد کررہے ہیں مگراُن کے کردارسے ثابت ہوتا ہے کہ وہ100فیصدنااہل ہوں گے جس کے بعد اُن کانہ سیاسی گھررہے گانہ کوئی”در“۔میاں نوازشریف واپسی کافیصلہ کرچکے ہیں دسمبرکے آخری ہفتے یاجنوری کی ابتدامیں پاکستان ہوں گے۔اُن کی نااہلی کی اب کوئی قانونی حیثیت نہیں رہی۔عمران خان کا دوسری باروزیراعظم بننے کاخواب شرمندہ تعبیرنہیں ہوگا جبکہ میاں نوازشریف چوتھی باروزیراعظم منتخب ہوں گے۔اُنہوں نے سوال کیاکہ پونے چارسال میں معیشت کابیڑہ غرق کرنے والے دوبارہ وزیراعظم بن کرمعیشت مستحکم کرسکتے ہیں؟۔قوم نے اُنہیں دیکھ بھی لیااوربعض نے اُنہیں سیاسی مددکااعتراف بھی کیا۔اُنہوں نے کہاکہ ایک طرف اسمبلیاں تحلیل کرنے کادعویٰ جبکہ دوسری طرف عمران خان کی مشاورت کے بغیرفیصل آبادسے ایک رکن پنجاب اسمبلی کووزیربنایاگیا ہے جس سے ثابت ہوتا ہے کہ عمران خان کا اپنے کردارکی وجہ سے سیاسی درجہ نچلی سطح پرآچکاہے۔ وہ وقت بھی بہت جلدآنے والاہے جب عوام بھی ساتھ نہیں رہیں گے۔ اُنہوں نے کہاکہ مہنگائی پرموجودہ حکومت عوام کوجواب دہ ضرورہے مگراس کے ذمہ دار عمران خان خودہیں جنہوں نے آئی ایم ایف کے پاس جانے کی بجائے خودکشی کادعویٰ اوربعدازاں اُسی کے پاس جاکرناقابلِ برداشت معاہدے کئے۔
