کراچی (این این آئی)غیرملکی شہری کے ہاتھوں کراچی کے پولیس اہلکار کے قتل کے معاملے پر سویڈش سفارتخانے کی جانب سے رپورٹ اپنی حکومت کو بھجوا دی گئی۔پولیس حکام کے مطابق پاکستانی نژاد سویڈش شہری کے خلاف ممکنہ طور پر سویڈن میں سخت کاروائی کے امکانات ہیں۔پولیس ذرائع کے مطابق سویڈن کے سفارتی عملے نے کراچی پولیس کے متعلقہ حکام سے مختلف قسم کی تفصیلی معلومات حاصل کیں، کلفٹن میں پولیس ملازم کے قتل کی تفتیشی دستاویزات کا بھی تبادلہ کیا گیا۔پولیس ذرائع کے مطابق قتل کی وردات اور اس میں سویڈش شہری کے ملوث ہونے پر سفارتخانے نے تفصیلی رپورٹ تیار کر لی، سویڈن میں ملزم کے خلاف سخت کاروائی متوقع ہے، جس سے ملزم کی وطن واپسی میں مدد ملے گی۔