اسلام آباد ( آن لائن)پاکستان انوائرمنٹل پروٹیکشن ایجنسی نے وفاقی دارلحکومت اسلام آباد کی فضاء آلودہ ہونے کی تصدیق کردی۔رپورٹ میں بتایا گیا ہے کہ زہریلے ذرات پی ایم 2 اعشاریہ 5کی مقدار111ug/m3سے تجاوز کر گئی،فضا میں زہریلے ذرات کی مقدارمیں خطرناک حد تک اضافہ ہو گیا ،زہریلے زرات کسی صورت 35ug/m3سے زیادہ نہیں ہونی چاہیے ،رپورٹ کے مطابق فضائی آلودگی کے سبب سانس کی بیماریوں سمیت دیگر بیماریاں ہونے کا خدشہ ہے ،زہریلے ذرات گاڑیوں وغیرہ میں فوصل فیول کے جلنے سے خارج ہوتے ہیں۔