جمعہ‬‮ ، 04 اپریل‬‮ 2025 

عمران خان کی 3 ٹیلی تھون بیرون ملک پاکستانیوں کے صرف ڈیڑھ ارب روپے جمع

datetime 7  دسمبر‬‮  2022
ہمارا واٹس ایپ چینل جوائن کریں

پشاور( مانیٹرنگ ڈیسک )بیرون ملک مقیم پاکستانیوں نے تحریک انصاف کے چیئرمین عمران خان کے تین ٹیلی تھونز میں عدم دلچسپی کا اظہار کرتےہوئے سیلاب متاثرین کے ریلیف اکاؤنٹس کے لیے صرف 1ارب 58کروڑ روپے بیرون ملک سے پاکستان بھجوائے ہیں ۔اندرون ملک پاکستانیوں نے بیرون ملک مقیم پاکستانیوں سے زیادہ چندہ جمع کرایا ۔

اندرون ملک وصولیوں میں سرکاری ملازمین کی جانب سے عطیات بھی شامل ہیں۔4 ارب 60کرو ڑ روپے کی مجموعی وصولی میں سے مقامی طور پر3ارب 24لاکھ روپے جمع ہوئے۔روزنامہ جنگ میں ارشد عزیز ملک کی خبر کے مطابق تحریک انصاف کے چیئرمین عمران خان نے اس سال ملک کے مختلف حصوں کو تباہ کرنے والے سیلاب کے دوران چندہ اکٹھا کرنے کے لیے مختلف اوقات میں تین ٹیلی تھون منعقد کیے۔جس میں پندرہ ارب روپے جمع کرنے کا دعوی کیا گیا لیکن اصل میں صرف 4ارب اور 60کروڑ روپے خیبرپختونخوا اور پنجاب کے وزرائے اعلیٰ کے کھاتوں میں وصول ہوئے۔اکاؤنٹ ہولڈرز یا متعلقہ بینکوں کی طرف سے تقریباً 18 ملین ڈالر کے وعدے مسترد کر دیے گئے۔ایک کروڑ ڈالر اعلان کرنے والے تین افراد نے عطیات دینے سے انکار کردیا ۔ دستیاب اعداد و شمار کے مطابق وزیراعلیٰ خیبرپختونخوا اور پنجاب کے فلڈ ریلیف اکاؤنٹس میں 66 فیصد ملکی اور 34 فیصد بین الاقوامی فنڈز وصول ہوئے۔ کل مجموعی وصولیوں 4605ملین روپے میں سے 1580 ملین روپے (34%) بین الاقوامی طورپر پاکستانیوں سے جمع ہوئے جبکہ اندرون ملک پاکستانیوں نے 3024 ملین (66%)فنڈز جمع کرائے ۔

یوں 20,540 (17%) افراد نے بین الاقوامی اور 96,958 (83%) افرادنےاندرن ملک سے رقم جمع کرائی ۔تقریباً 4345 ملین روپے کے کریڈٹ کارڈ کےاعلانات غلط ثابت ہوئے ۔اعلان اور وعدوں کے باوجود ایک کروڑ ڈالر اعلان کرنے والے تین افراد نے عطیات دینے سے انکار کردیا ۔27 ملین امریکی ڈالر کے وعدے پورے نہیں ہوئے تھے کیونکہ کریڈٹ کارڈ ہولڈرز نے غلط طریقے سے اندراج کیا تھا۔

اسی طرح، کریڈٹ کارڈ کی ناکافی حد یا ادائیگی نہ کرنے کی احکامات کے باعث 37 ملین امریکی ڈالرز کے عطیات وصول نہ ہوسکے ۔بینک آف خیبر کو 1213 ملین روپے موصول ہوئے ہیں جن میں 155 ملین روپے کی غیر ملکی ترسیلات بھی شامل ہیں۔یوں 34596افراد نے عطیا ت جمع کرائے ۔بینک آف خیبر کو 12.7فیصدرقم بیرون ملک مقیم پاکستانیوں سے وصول ہوئی جبکہ 87فیصد رقم اندون ملک سے ملی۔

بینک آف خیبرمیں اندرون ملک اور بیرون ملک سے 117498افراد نے عطیات جمع کرائے ۔بینک آف پنجاب اور پنجاب انفارمیشن ٹیکنالوجی بورڈ کو بالترتیب 2327 ملین روپے اور 1061 ملین روپے کے عطیات موصول ہوئے۔اس میں 1425 ملین روپے کے غیر ملکی عطیات بھی شامل ہیں جبکہ 1964 ملین روپے اندرون ملک جمع کیے گئے تھے۔بینک آف پنجاب نے42فیصد غیر ملکی ترسیلات کی صورت میں وصول کیا جبکہ بقیہ 58 فیصد مقامی طور پر جمع کیا گیا۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…