انگلینڈ اور پاکستان کا ٹیسٹ اسکواڈ خصوصی طیارے سے ملتان پہنچ گیا
ملتان (این این آئی)انگلینڈ اور پاکستان کا ٹیسٹ اسکواڈ خصوصی طیارے کے ذریعے ملتان پہنچ گیا، ملتان میں دھند کے باعث فلائٹ تین گھنٹے تاخیر کا شکار ہوئی۔تفصیلا ت کے مطابق پاکستان اور انگلینڈ کے درمیان دوسرا ٹیسٹ 9 دسمبر سے
ملتان میں شروع ہوگا۔ تین ٹیسٹ میچز کی سیریز میں انگلینڈ کو 0-1 کی برتری حاصل ہے۔ پہلے ٹیسٹ میچ میں انگلینڈ نے پاکستان کو 74 رنز سے شکست دی تھی۔پاکستان کرکٹ بورڈ کی جانب سے جاری بیان میں فاسٹ بولر حارث رئوف کے پاک انگلینڈ ٹیسٹ سیریز سے باہر ہونے کی تصدیق کی گئی ہے۔پی سی بی نے کہا کہ حارث رئوف کو ٹانگ کی دائیں جانب دبا محسوس ہورہا ہے، راولپنڈی ٹیسٹ کے پہلے روز حارث کے ایم آر آئی اسکین کیے گئے تھے۔پی سی بی کے مطابق حارث رف جلد لاہور میں ری ہیب پروگرام شروع کریں گے۔دوسری جانب ذرائع کے مطابق اسکواڈ میں حارث رف کے متبادل فاسٹ بولر کا فیصلہ جلد کیا جائے گا اور محمد عباس کو متبادل کے طور پر ٹیسٹ اسکواڈ میں شامل کیے جانے کا امکان ہے۔
