ہفتہ‬‮ ، 30 اگست‬‮ 2025 

منگلا بجلی گھر کی تقریب میں وزیراعظم شہباز شریف کے گارڈز کی وزیراعظم آزاد کشمیر سے بدتمیزی

datetime 5  دسمبر‬‮  2022
ہمارا واٹس ایپ چینل جوائن کریں

اسلام آباد (مانیٹرنگ،این این آئی) منگلا بجلی گھر کی تقریب سے خطاب کے دوران وزیراعظم آزاد کشمیر اور وزیراعظم پاکستان میں جھڑپ، وزیراعظم شہباز شریف نے خطاب کے دوران امریکی سفیر کو خوش کرنے کی کوشش کی،نجی ٹی وی کے مطابق خطاب میں وزیراعظم شہباز شریف نے میرپور متاثرین اور کشمیریوں کی قربانیوں کا کوئی ذکر نہیں کیا،

اس حوالے سے سینئر صحافی سمیع ابراہیم نے کہا کہ یہ انتہائی افسوسناک واقعہ ہوا ہے، ان کا کہنا تھا کہ آزاد کشمیر میں منگلا پاور پراجیکٹ کی تقریب میں پہلے تو وزیراعظم آزاد کشمیر کو بلایا نہیں گیا، وہاں امریکی سفیر بھی موجود تھے، سمیع ابراہیم کے مطابق جب شہباز شریف نے گفتگو شروع کی تو انہوں نے اپنی پارٹی کے لوگوں کا ذکر کیا نہ میرپور کے لوگوں کا ذکر کیا نہ کشمیر کے لوگوں کی قربانی کا ذکر کیا، نہ کی کشمیر کا ذکر کیا، جس پر وزیراعظم آزاد کشمیر تنویر الیاس نے احتجاج کیا وہاں پر انہوں نے شہباز شریف سے کہا کہ آپ کشمیر کی توہین کر رہے ہیں، جس پر وزیراعظم شہباز شریف کے گارڈز نے وزیراعظم آزاد کشمیر کے ساتھ بدتمیزی بھی کی، وہاں جو کچھ بھی ہوا بڑا افسوسناک ہے۔ واضح رہے کہ وزیرِ اعظم شہباز شریف نے منگلا بجلی گھر کے یونٹ 5 اور 6 کے ریفربشمنٹ منصوبے کا افتتاح کر دیا۔منگلا بجلی گھر کی ریفربشمنٹ کے منصوبے کے تحت تمام یونٹ میں 50 برس پرانی مشینری کو تبدیل کرکے نئی مشینری لگائی جارہی ہے، ریفربشمنٹ منصوبے کی مکمل تکمیل کے بعد منگلا بجلی گھر کی استعداد 1000 میگاواٹ سے بڑھ کر 1310 میگاواٹ ہو جائیگی جسکے نتیجے میں سالانہ 5.6 بلین یونٹ صاف، ماحول دوست اور کم لاگت بجلی پیدا کی جائے گی،منصوبے کے پہلے مرحلے یعنی 10 میں سے 6 یونٹس کی ریفربشمنٹ پر تقریباً 90 فیصد کام مکمل ہے جبکہ آج وزیرِ اعظم نے یونٹ نمبر 5 اور 6 کی تکمیل کا افتتاح کیا،

مجموعی طور پر 483 ملین ڈالر کی لاگت سے جاری اس منصوبے میں USAID کی طرف سے 150 ملین ڈالر کی گرانٹ، 90 ملین یورو کا Loan AFDاور واپڈا کی طرف سے 178 ملین ڈالر فراہم کئے جا رہے ہیں۔اس موقع معاونِ خصوصی طارق فاطمی، وزیرِ اعظم آزاد کشمیرسردار تنویر الیاس، چیئر مین واپڈا لیفٹیننٹ جنرل (ر) سجاد غنی، امریکہ کے پاکستان میں سفیر ڈانلڈ بلوم، USAID مشن ڈائیریکٹر Reed Aeschlimanی موجودتھے۔

موضوعات:

آج کی سب سے زیادہ پڑھی جانے والی خبریں


کالم



سنت یہ بھی ہے


ربیع الاول کا مہینہ شروع ہو چکا ہے‘ اس مہینے…

سپنچ پارکس

کوپن ہیگن میں بارش شروع ہوئی اور پھر اس نے رکنے…

ریکوڈک

’’تمہارا حلق سونے کی کان ہے لیکن تم سڑک پر بھیک…

خوشی کا پہلا میوزیم

ڈاکٹر گونتھروان ہیگنز (Gunther Von Hagens) نیدر لینڈ سے…

اور پھر سب کھڑے ہو گئے

خاتون ایوارڈ لے کر پلٹی تو ہال میں موجود دو خواتین…

وین لو۔۔ژی تھرون

وین لو نیدر لینڈ کا چھوٹا سا خاموش قصبہ ہے‘ جرمنی…

شیلا کے ساتھ دو گھنٹے

شیلا سوئٹزر لینڈ میں جرمنی کے بارڈرپر میس پراچ(Maisprach)میں…

بابا جی سرکار کا بیٹا

حافظ صاحب کے ساتھ میرا تعارف چھ سال کی عمر میں…

سوئس سسٹم

سوئٹزر لینڈ کا نظام تعلیم باقی دنیا سے مختلف…

انٹرلاکن میں ایک دن

ہم مورج سے ایک دن کے لیے انٹرلاکن چلے گئے‘ انٹرلاکن…

مورج میں چھ دن

ہمیں تیسرے دن معلوم ہوا جس شہر کو ہم مورجس (Morges)…