اسلام آباد (این این آئی) پاکستان مسلم لیگ (ن)کے رہنما سابق وزیراعظم شاہدخاقان عباسی نے پی ٹی آ ئی رہنما شہباز گل کیخلاف2 ارب روپے ہرجانے کا دعوی دائر کردیا۔ ہفتہ کو ایڈیشنل سیشن جج نے دعوے پر شہبازگل کو 19 دسمبر کیلئے نوٹس جاری کردیئے۔گزشتہ روز شاہد خاقان عباسی نے ایڈووکیٹ رانا اسد کے توسط سے دعویٰ دائر کیا۔سابق وزیر اعظم شاہدخاقان عباسی نے شہبازگل کانام ایگزٹ کنٹرول لسٹ میں ڈالنے کی استدعا کی۔دعوے کے متن کے مطابق شہبازگل نے31جولائی کو پریس کانفرنس میں بھارتی فرم سے رشوت کا الزام لگا کر اسکینڈلائز کرنے کی کوشش کی۔