اسلام آباد(این این آئی)وزیر اعظم کے معاون خصوصی اور ترجمان پیپلزپارٹی فیصل کریم کنڈی نے عمران خان کی تقریر پر رد عمل کا اظہار کرتے ہوئے کہا ہے کہ بولنے سے پہلے سوچنے کی تھوڑی سی زحمت بھی کیا کریں۔ اپنے بیان میں انہوںنے کہاکہ مونس الٰہی نے عمران خان کے سارے بیانیہ پر پانی پھیر دیا ہے۔ انہوںنے کہاکہ ریلو کٹوں اور پھٹیچروں کے ریوڑ نے عمران خان کو کہیں کا نہیں چھوڑا، عمران خان پہلے خود اسمبلی سے باقاعدہ مستعفی ہونے کی جرات کرے ۔ فیصل کریم کنڈی نے کہاکہ انتخابات آئندہ سال ہونگے جس کے بعد خان صاحب سیاست سے ریٹائرمنٹ کا اعلان کرینگے۔فیصل کریم کنڈی نے کہاکہ وہ دن زیادہ دور نہیں جب فواد چودھری عمران خان کی نالائقی اورکرپشن کے داستان بیان کرینگے۔