لاہور ( این این آئی) پنجاب کریکولم اینڈ ٹیکسٹ بک بورڈکا غیر رجسٹرڈ کتابوں کیخلاف کارروائی کا سلسلہ جاری، پنجاب ٹیکسٹ بک بورڈ نے ایک اور کتاب پر پابندی عائد کردی۔تفصیلات کے مطابق پنجاب ٹیکسٹ بک بورڈ نے آئی جی سی ایس ای اردو کی نصابی کتاب پر پابندی لگائی ہے۔ پنجاب ٹیکسٹ بک بورڈ نے کتاب پر غیر رجسٹرڈ ہونے کے باعث پابندی عائد کی ۔حکام کے مطابق کتاب کو پنجاب ٹیکسٹ بک بورڈ سے رجسٹرڈ نہیں کروایا گیا تھا، پی سی ٹی بی نے کتابوں کی رجسٹریشن کیلئے تمام متعلقہ اداروں کو مراسلہ بھی بھجوا دیا ہے۔