جدہ (آن لائن) مکہ مکرمہ، مدینہ منورہ اور دیگر شہروں میں نماز استسقا کے بعد ابر رحمت برس پڑا۔سعودی میڈیا کے مطابق مکہ مکرمہ، مدینہ منورہ سمیت دیگر شہروں میں موسلا دھاربارش ہوئی۔ پانی جمع ہونے کے باعث مکہ۔ جدہ ہائے وے کو عارضی طور پر بند کردیا گیا۔جدہ میں طوفانی بارش کے بعد تعلیمی ادارے بند کردئیے گئے ہیں اور متعلقہ اداروں کو الرٹ رہنے کی ہدایت کی گئی ہے۔جدہ میں تیرہ سال قبل ہونے والی خوفناک بارش کاریکارڈ ٹوٹ گیا، مکہ مکرمہ ریجن میں ہنگامی حالت کا اعلان کر دیا گیا۔  بارش سے مختلف حادثات میں 2 افراد جاں بحق ہوچکے ہیں۔