اسلام آباد(آن لائن) تحریک انصاف کا لانگ مارچ راولپنڈی پولیس پر بھاری پڑنے لگا اور لانگ مارچ کی ڈیوٹی پر تعینات پولیس اہلکاروں نے غیر معیاری رہائش اور ناقص کھانا فراہم کرنے پر شکایات کے انبار لگا دیئے ۔پولیس اہلکاروں کا موقف ہے کہ سخت سردی کے باوجود ان کو جو خستہ حال رہائش گاہیں دی گئی ہیں ان کی کھڑکیاں ٹوٹی ہوئی ہے جن کی بنیاد پر بیشتر پولیس اہلکار سردی لگنے کی وجہ سے بیمار پڑ رہے ہیں اور انہیں نزلہ ، زکام اور تیز بخار کی شکایات عام ہیں اور روات میں موجود پولیس اہلکاروں نے اپنی جیب میں موجود ادویات بھی دکھا دیں اور کہا کہ جو کھانا اور رہائش انہیں دی گئی ہے اس کی وجہ سے وہ بیمار پڑ رہے ہیں ۔