اسلام آباد (این این )قومی اسمبلی میں ملک میں آدھی معاشی سرگرمیاں بغیر ٹیکس ہونے کا انکشاف ہوا ۔ جمعہ کو اجلاس کے دور ان وزیرمملکت عائشہ غوث پاشا نے کہاکہ آدھے کاروبار بغیر کسی ٹیکس سے چل رہے ہیں۔ انہوںنے کہاکہ پاکستانی ٹیکس پیئرز کو سوچنا چاہیے کہ ملک کی معیشت میں انکا حصہ ہونا چاہیے۔ عائشہ غوث پاشا نے کہاکہ ایف بھی آر کو اپنی پالیسی بدلنے کی ضرورت ہے،ایف بی ار کو نئے ٹیکس نادہندگان کو رجسٹر کرنا چاہیے۔ انہوںنے کہاکہ ملک ڈیفالٹ ہونے کا کوئی اندیشہ نہیں۔ عائشہ غوث پاشا نے کہاکہ جب حکومت میں آئے تو ڈیفالٹ کے بادل منڈلا رہے تھے، حکومت میں آئے تو آئی ایم ایف کا پروگرام بند تھا اب شروع ہو چکا ہے۔