لاہور (این این آئی) بھارتی ٹیم کی آئی سی سی ٹی ٹونٹی ورلڈ کپ 2022ء کے سیمی فائنل میں شکست پر ٹوئٹر پر میمز کی بھرمار رہی۔ایڈیلیڈ میں ٹی ٹونٹی ورلڈ کپ دوسرے سیمی فائنل میں انگلینڈ نے بھارت کو ہرا کر ایونٹ کے فائنل میں جگہ بنالی۔دوسرے سیمی فائنل میں بھارت اور انگلینڈ کے درمیان بھارتی ٹیم کی خراب کارکردگی
دیکھ کر شائقین کرکٹ نے ٹوئٹر پر میمز کے انبار لگا دیئے۔ ٹوئٹر صارفین کی جانب سے دلچسپ ٹوئٹس کیے گئے۔ ایک صارف نے لکھا کہ اتنی خوشی،اتنی خوشی مجھے آج تک نہیں ہوئی۔ ایک صارف نے بھارتی فلم ”لگام“ کا ڈائیلاگ لکھا کہ ”تم سالا غلام لوگ ہماری جوتی کے نیچے ہی رہے گا۔ جبکہ ایک صارف نے لکھا کہ بھائی ایک تو آؤٹ کر لیتے۔پاکستان کے سیمی فائنل پر طنز کرنے والے سابق بھارتی کرکٹ ٹیم کے فاسٹ بالر عرفان پٹھان کو بھی سوشل میڈیا صارفین نے آئینہ دکھاتے ہوئے تاریخی چھترول کر ڈالی۔سابق بھارتی بالر نے طنزیہ ٹوئٹ کرتے ہوئے لکھا تھا کہ پڑوسیو! جیت آتی جاتی رہتی ہے، لیکن گریس آپ کے بس کی بات نہیں۔عرفان پٹھان کی اسی ٹوئٹ کو یاد دلاتے ہوئے سوشل میڈیا صارفین نے ان کو آئینہ دکھا دیا اور کہا کہ پڑوسیو! تھوڑی گریس سے ہی ہار جاتے۔ایک اور صارف نے پوسٹ شیئر کی جس میں لکھا تھا کہ جو ہمیں باہر کرنا چاہتے تھے، قدرت کا نظام دیکھو خود ہی باہر ہوگئے۔ایرک اشرف نے لکھا کہ یار انڈیا ہارنے کی بھی کوئی گریس ہوتی ہے، رہنے دو یار تم سے نا ہو پائے گا۔
