اسلام آباد (این این آئی)انگلینڈ کے ہاتھوں بھارت کی بدترین شکست پر وزیراعظم شہباز شریف نے ٹوئٹ میں کہا ہے کہ اتوار کو 152/0 بمقابلہ 170/0 ہوگا۔تفصیلات کے مطابق ٹی ٹوئنٹی ورلڈ کپ کے دوسرے سیمی فائنل میں انگلینڈ نے بھارت کو 10 وکٹوں سے بدترین شکست دے کر
فائنل کیلئے کوالیفائی کیا۔انگلینڈ کے کپتان جوز بٹلر اور ایلکس ہیلز نے 170 رنز کی شراکت داری قائم کی۔انگلینڈ کی اس فتح پر وزیراعظم شہباز شریف نے اپنی ٹوئٹ میں کہا کہ اس اتوار کو 152/0 بمقابلہ 170/0 ہوگا۔ٹوئٹ میں دراصل وزیراعظم شہباز شریف کا اشارہ بھارت کی 10 وکٹوں سے شکست کی طرف ہے،ورلڈ ٹی ٹوئنٹی 2021 میں پاکستان نے بھارت کو 10 وکٹوں سے شکست دی تھی اور 152رنز کا ہدف کامیابی سے حاصل کیا تھا۔اسی طرح ورلڈ کپ کے سیمی فائنل میں انگلینڈ نے بھی بھارت کے 168 رنز کے جواب میں بغیر کسی نقصان کے 170 رنز بنائے اور میچ 10وکٹوں سے جیتا۔انگلینڈ کی اس فتح کے بعد پاکستان اور انگلینڈ کے درمیان ورلڈ ٹی ٹوئنٹی کا فائنل اتوار 13 نومبر کو میلبورن میں کھیلا جائے گا۔پاکستان اور انگلینڈ ایک ایک بار ورلڈ کپ جیت چکے ہیں۔ انگلینڈ کے ہاتھوں بھارت کی بدترین شکست پر وزیراعظم شہباز شریف نے ٹوئٹ میں کہا ہے کہ اتوار کو 152/0 بمقابلہ 170/0 ہوگا۔
