اسلام آباد ( آن لائن)قومی سلامتی کے اداروں اور افواج پاکستان کے خلاف ہرزہ سرائی کرنے پر پیپلز پارٹی نے عمران خان کے خلاف کارروائی کا مطالبہ کر دیا ۔پیپلزپارٹی کے سیکرٹری جنرل نیر بخاری نے اپنے ایک بیان میں عمران خان کی جانب سے افواج پاکستان کے خلاف بے بنیاد اور من گھڑت الزامات کو مسترد کرتے ہوئے کہا کہ عمران خان کے بیانات بھارت کو خوش کرنے کی ایک مہم ہے، افواج پاکستان کے خلاف بیانات دیکر مودی کو خوش کرنے کی کوشش ہے، پیپلزپارٹی عمران خان کے اس قسم کے من گھڑت بیانات کو مسترد کرتی ہے، اقتدار کی خاطر پاگل پن کی حدیں پار کرنے والا قومی اداروں پر حملہ آور ہے۔