اسلام آباد (این این آئی)انٹرسروسز انٹیلی جنس (آئی ایس آئی)اور ملٹری انٹیلی جنس (ایم آئی)کے افسران سابق وزیراعظم عمران خان پر حملے کے معاملے میں بننے والی مشترکہ تحقیقاتی ٹیم کا حصہ نہیں ہوں گے۔نجی ٹی وی نے سر کاری ذرائع کے حوالے سے بتایاکہ خفیہ اداروں کے نمائندوں نے وزارت داخلہ اور پنجاب ہوم آفس کو آگاہ کردیا۔ذرائع نے بتایا کہ سرکاری حکام کوآگاہی دی گئی کہ تحقیقات میں شامل نہیں ہونگے تاکہ کوئی انگلی نہ اٹھے۔سرکاری حکام نے آئی ایس آئی اور ایم آئی کی جانب سے ملے پیغام کی تصدیق کی اور کہا کہ انٹیلی جنس ادارے خود کو کسی تنازع سے بچانا چاہتے ہیں۔

موضوعات:عمران حملہ کیس