اسلام آباد (آن لائن) وفاقی حکومت نے آئندہ پندرہ روز کیلئے پٹرولیم مصنوعات کی قیمتیں برقرار رکھنے کا فیصلہ کیا ہے۔ وفاقی وزیرخزانہ سینیٹر اسحاق ڈار نے واشنگٹن سے جاری ایک ویڈیو پیغام میں کہا ہے کہ اوگرا کی جانب سے وزارت خزانہ کو بھجوائی گئی سمری مجھ سے شئیر کی گئی ہے ۔سمری میں پٹرول کی قیمتوں میں معمولی کمی جبکہ ڈیزل،لائٹ ڈیزل اور مٹی کے تیل کی قیمتوں میں اضافے کی سفارش کی گئی تھی۔ وزیر خزانہ نے کہا کہ انہوں سے وزیر اعظم شہبازشریف سے بھی بات کی ہے اور مشاور ت سے فیصلہ کیا گیا ہے کہ 31اکتوبر تک پیٹرولیم مصنوعات کی قیمتوں میں اضافہ یا کمی نہیں کی جا رہی ہے۔