کراچی کے شہری نے رکشے کو جیپ کی شکل دیدی

کراچی(این این آئی)کراچی کے شہری عبدالرزاق نے رکشے کو جیپ کی شکل دیکر سب کو حیران کردیا ۔پاکستان میں ٹیلنٹ کی کوئی کمی نہیں اس کی ایک مثال کراچی کے عبدالرزاق ہیں

، جنہوں نے معمولی سے اوزاروں اور ایک چھوٹی سی دکان میں رکشے کو جیپ کی شکل دے دی۔اس ضمن میں عبدالرزاق نے بتایاکہ وہ فرنیچر بنانے کا ہنر بھی جانتاہے ، لوگ بیرون ملک سے اپنے فرنیچر کی تصاویر لاتے تو وہ انہیں ہوبہو ویسا ہی فرنیچر تیار کرکے دیتے تھے۔

انہوں نے بتایاکہ میں آٹو موبائل شعبے میں اپنا نام بنانا چاہتا تھا، اس لئے 3 پہیوں والی گاڑی کو جیپ کی شکل دی۔ اس کام میں اس نے

مجموعی طور پر ڈیڑھ ماہ صرف کئے۔صرف آٹھویں جماعت تک ہی تعلیم حاصل کرنے والے عبدالرزاق نے بتایاکہ اس کی بنائی

جیپ کی بدلے میں 5 لاکھ روپے کی پیشکش ہوچکی ہے لیکن وہ چاہتے ہیں کہ اس گاڑی کو نہ بیچیں کیونکہ اس سے ہی انہیں عزت ملی ہے۔