دادو(این این آئی)دادو کی سیشن کورٹ نے پیپلز پارٹی سے تعلق رکھنے والے 2 اراکین سندھ اسمبلی کو سیلاب متاثرین سے نامناسب رویے پر طلب کرلیا۔دادو کی سیشن کورٹ میں رکن اسمبلی صالح شاہ جیلانی اور سجیلا لغاری کے خلاف درخواست دائر کی گئی ہے۔درخواست گزار نے کہاکہ ہمارے گائوں تاج پور میں سیلاب سے 200 گھرگرگئے ہیں، امدادکے لیے اراکین اسمبلی کے گھرگئے، لیکن اراکین اسمبلی کے گارڈز نے دھکے دے کر نکال دیا۔عدالت نے درخواست منظورکرتے ہوئے دونوں اراکین اسمبلی کو پیر19ستمبرکو طلب کرلیا۔سیشن عدالت نے دونوں اراکین صوبائی اسمبلی کو ہر صورت حاضر ہونے کا حکم دیا ہے۔