اسلام آباد (مانیٹرنگ ڈیسک/این این آئی )پی ٹی آئی سینئر مرکزی رہنما و سابق وزیر دفاع پرویز خٹک نے عمران خان کی آئندہ انتخابات میں 2 تہائی کی اکثریت سے جیتنے کی پیش گوئی کر دی ۔ تفصیلات کے مطابق سابق وفاقی وزیر دفاع پرویز خٹک نے کہا ہے کہ آئندہ الیکشن میں

چیئرمین تحریک انصاف آئندہ الیکشن میں دو تہائی اکثریت کیساتھ جیت کر حکومت بنائے گا ۔ انکا کہنا تھا کہ یہ لوگ جتنی مرضی جتن ، سختیاں کر لیں عوام اتنی ہی زیادہ تیزی سے اٹھے گی ۔ پی ٹی آئی رہنما پرویز خٹک کا کہنا تھا کہ ہم میں سے کوئی بھی اسمبلی نہیں جائے گا ہمارے استعفے منظور کیے ہیں جائیں ۔ دوسری جانب چیئرمین پاکستان تحریک انصاف عمران خان نے کہا ہے کہ امپورٹڈ حکومت معیشت کے زوال کو روکنے میں ناکام رہی۔ عمران خان نے ٹوئٹ میں لکھا کہ امپورٹڈ حکومت بغیر کسی سمت کے چل رہی ہے اور امپورٹڈ حکومت نے صرف ایک اور این آر او کے لیے اپنے مقاصد حاصل کیے۔انہوں نے کہا کہ قوم سوال کر رہی ہے کہ پاکستان کے خلاف سازش کون کر رہا ہے ؟ عمران خان نے کہا کہ ہمارے دور میں معاشی ترقی کی شرح 6 فیصد تھی اور ہمارے دور میں زراعت، تعلیم، معیشت کی ترقی ہوئی اور روزگار کے مواقع بڑھ گئے تھے۔ انہوں نے کہا کہ آج پاکستان کو غیر معمولی افراط زر کا سامنا ہے اور پاکستان میں مہنگائی سے ہر شخص متاثر ہو رہا ہے۔چیئرمین پی ٹی آ ئی نے کہا کہ پاکستان میں ڈالر روپے کے مقابلے میں مضبوط ہو رہا ہے۔ عالمی مالیاتی ادارہ (آئی ایم ایف) اور ورلڈ بینک کی رپورٹیں ظاہر کرتی ہیں کہ امپورٹڈ حکومت ایک مستحکم معیشت وراثت میں ملنے کے باوجود معیشت کے زوال کو روکنے میں ناکام رہی۔انہوں نے کہا کہ اقتصادی سروے میں ہماری اقتصادی کارکردگی کو ملک کی 70 سالہ تاریخ کی بہترین کارکردگی قرار دیا۔