لاہور، دبئی (این این آئی) قومی کرکٹر شعیب ملک کی جانب سے ایشیا کپ کے فائنل میں قومی ٹیم کی شکست پر کیے گئے ٹوئٹ پر کامران اکمل نے ردعمل دیتے ہوئے کہا ہے کہ استاد جی، اتنے صاف گو نہ ہوں۔سماجی رابطے کی سائٹ ٹوئٹر پر شعیب ملک کے

ٹوئٹ پر جواب دیتے ہوئے کامران اکمل نے کہا کہ استاد جی، اتنے صاف گو نہ ہوں۔مائیکرو بلاگنگ ویب سائٹ ٹوئٹر پر شعیب ملک نے ایک پیغام جاری کیا تھا جس میں انہوں نے ٹیم کا نام لیے بغیر تنقید کی۔شعیب ملک نے کہا کہ ہم کب دوستی، پسندیدگی اور ناپسندیدگی کے کلچر سے باہر آئیں گے، اللہ ہمیشہ ایماندار کی مدد کرتا ہے۔واضح رہے کہ ایشیا کپ 2022 کے فائنل میں سری لنکا پاکستان کو شکست دے کر چھٹی مرتبہ ایشین چیمپئن بن گیا۔دوسری جانب پاکستان ٹیم کے کپتان بابر اعظم نے ایشیا کپ کے فائنل میں شکست کے بعد اپنی ٹیم کا دفاع کرتے ہوئے کہا ہے کہ انفرادی طور پر کھلاڑیوں نے اچھی کارکردگی دکھائی۔ میڈیا سے گفتگو کرتے ہوئے بابر اعظم نے سری لنکا کو ایشیا کپ جیتنے پر مبارکباد دی۔ انہوں نے کہا کہ ہم شروع میں حاوی ہوئے تاہم راجاپکسے کی بیٹنگ نے فرق ڈالا۔پاکستانی کپتان ن کہا کہ ہماری شروعات اچھی تھی، فنش اچھا نہیں کرسکے۔انہوں نے اعتراف کیا کہ مڈل آرڈرز میں بیٹرز اچھی پرفارمنس نہیں دے سکے جبکہ ہماری فیلڈنگ بھی اچھی نہیں رہی۔