اسلام آباد (این این آئی)وفاقی تحقیقاتی ایجنسی (ایف آئی اے) نے لیفٹیننٹ جنرل ریٹائرڈ امجد شعیب سے ان کے وی لاگ پر تفتیش کی۔ذرائع کے مطابق لیفٹیننٹ جنرل ریٹائرڈ امجد شعیب کو ایف آئی اے آفس طلب کیا گیا اور ان سے ڈپٹی ڈائریکٹرایازخان کی

سربراہی میں 5 رکنی ٹیم نے پوچھ گچھ کی۔ذرائع نے بتایا کہ ایف آئی اے ٹیم نے امجد شعیب سے تقریباً 5 گھنٹوں تک سوال جواب کیے اور ان کا موبائل فون لے کر ڈیٹا بھی حاصل کیا گیا۔دوسری جانب لیفٹیننٹ جنرل (ر) امجد شعیب نے بتایا کہ ایف آئی اے نے مجھے 14 ستمبر کیلئے طلبی کا نوٹس بھیجا تھا تاہم میں نوٹس ملنے پر رضاکارانہ طور پر 9ستمبرکو ہی ایف آئی اے آفس چلاگیا۔انہوں نے کہاکہ ایف آئی اے ٹیم نے پیشہ ورانہ اندازمیں سوال جواب کیے، قطر میں پاکستانی و اسرائیلی طیارے سے متعلق میرے بیان اور ویڈیوپر سوال کیے گئے۔امجد شعیب نے کہاکہ میں نے اپنی ویڈیومیں کہاتھادفترخارجہ اس پروضاحتی بیان جاری کرے۔واضح رہے کہ امجد شعیب نے وزیراعظم کی خلیجی ملک کے دورے میں اسرائیلی وفد سے مبینہ ملاقات کی خبر دی تھی۔