اسلام آباد (مانیٹرنگ ڈیسک )عدالت نے اہم وزیرکو قتل کیس میں 14سال قید اور 10لاکھ جرمانہ کی سزا سنا دی۔ تفصیلات کے مطابق ہائی کورٹ آزاد جموں و کشمیر نے وزیر ہائیر ایجوکیشن آزاد کشمیر ظفر ملک کو آصف شاہ قتل کیس میں 14 سال قید کی سزا سنا دی۔نجی ٹی وی ہم نیوز کے مطابق ہائی کورٹ کے ڈوثرن بینچ نے 19 سال سے چلنے والا آصف شاہ قتل کیس کا فیصلہ سناتے ہوئے وزیر ہائر ایجوکشن ملک ظفر کو چودہ سال سزا اور دس لاکھ روپے جرمانہ کی سزا سنا دی جس کے بعد پولیس نے کمرہ عدالت سے انہیں گرفتار کر لیا۔خیال رہے کہ کئی سال پہلے کوٹلی آزادکشمیر میں ایک شخص سید آصف قتل ہوا تھا اور جس کا مقدمہ ظفر اقبال ملک کیخلاف درج کیا گیا تھا۔