اسلام آباد( این این آئی)پاکستان اور جرمنی کے درمیان علاقائی انفراسٹرکچر فنڈ سے متعلق معاہدہ طے پاگیا، جرمنی اس مد میں پاکستان کو 1 کروڑ 75 لاکھ یورو کا فنڈ دے گا۔اقتصادی امور ڈویژن کے مطابق پاکستان اور جرمنی کے درمیان علاقائی انفراسٹرکچر فنڈ سے متعلق معاہدہ طے پاگیا ہے جس کے تحت جرمنی پاکستان کو ایک کروڑ 75 لاکھ یورو کی گرانٹ فراہم کرے گا۔اقتصادی امور ڈویژن کے اعلامیے کے مطابق جرمنی کی جانب سے دی جانے والی رقم صوبہ خیبر پختونخوا ہ میں ریسورس مینجمنٹ پر خرچ ہو گی۔اس حوالے سے وزارت اقتصادی امور اور جرمن ڈیویلپمنٹ فنڈ کے درمیان معاہدے پر دستخط ہو گئے ہیں۔