واشنگٹن(این این آئی)دنیا بھر میں پسند کی جانے والی شمالی امریکا کی مشہور، خوبصورت مونارک تتلی کو ان جانداروں کی فہرست میں شامل کر دیا گیا ہے جن کی نسل معدومیت کے خطرے سے دوچار ہے۔میڈیارپورٹس کے مطابق انٹرنیشنل یونین
فار کنزرویشن آف نیچر (آئی یو سی این )کا جاری کیے گئے اعلامیے میں کہنا تھا کہ مونارک تتلی کی نسل زمین پر بڑھتے ہوئے درجہ حرارت اور کیڑے مکوڑوں کے لیے ناساز گار قدرتی ماحول کی وجہ سے معدومیت کے خطرے سے دوچار ہے۔ایک رپورٹ کے مطابق مونارک تتلی کی آبادی میں پچھلے 10 سال کے دوران 70 فیصد کمی دیکھنے میں آئی ہے۔آئی یو سی این کا کہنا تھا کہ مغربی امریکا میں مونارک تتلی کی مخصوص قسم میں 99.9 فیصد کمی آئی ہے۔اس حوالے سے امریکی ادارے نیچر سرو کے صدر اور سی ای او ڈاکٹر شان ٹی اوبرائن نے وضاحت کی ہے کہ انواع کے تحفظ کے لیے بہت کچھ کرنے کی ضرورت ہے۔انہوں نے یہ بھی کہا کہ سورج کی خطر ناک شعاں سے محفوظ رکھنے والی قدرتی اوزون کی تہہ میں مزید سوراخ ہونے کے بعد دیگر تتلیاں اور جاندار بھی موسمیاتی تبدیلیوں کا شکار ہوئے ہیں۔
