کراچی سے لاپتہ ہونے والے سوشل میڈیا ایکٹوسٹ عامر ارسلان گھر پہنچ گئے
کراچی(این این آئی) پاکستان رینجرز نے سوشل میڈیاایکٹوسٹ عامر ارسلان خان کو رہا کردیا ہے، عامر ارسلان کودہشت گردگروپ
سے روابط کی بنیاد پر گرفتارکیا گیا تھا۔تفصیلات کے مطابق کراچی سے لاپتہ ہونے والے سوشل میڈیاایکٹوسٹ عامرارسلان خان گھر پہنچ گئے،
رینجرز نے صحافی اورسوشل میڈیاایکٹوسٹ عامر ارسلان خان کو رہا کردیاہے۔اس معاملے پر ترجمان رینجرز کی جانب سے جاری بیان میں کہا گیاہے کہ
عامرارسلان خان کوتفتیش میں تعاون کی تنبیہ کرکے رہا کر دیا گیاہے۔ترجمان رینجرز نے بتایا کہ ارسلان کو دہشت گرد گروپ سے روابط کی بنیاد پر
حراست میں لیا گیا، ابتدائی تفتیش میں دہشت گرد گروپ سے مبینہ مالی معاونت لینے کا انکشاف ہوا تھا۔ترجمان نے کہاکہ وائٹ کالرکرائم کی بنا پر
تحقیقات کی غرض سے کیس متعلقہ حکام کے سپرد کیا جا رہا ہے۔بعد ازاں، سوشل میڈیاایکٹوسٹ عامرارسلان خان نے ایک ٹویٹ میں اعلان کیا کہ
میں صحیح سلامت گھر واپس آ گیا ہوں، آزمائش کی اس گھڑی میں آپ لوگوں نے میرے اکیلے خاندان کو جو مدد اور تعاون فراہم کیا اس کے لیے آپ سب کا شکریہ۔
