سکھر(این این آئی)سکھر کے علاقے پنو عاقل میں پسند کی شادی نہ کرانے پر بیٹے نے اپنے باپ کو قتل کردیا۔پولیس حکام کے مطابق ملزم عبد الرحمن نے اپنے والد شہزاد چاچڑ کو مارنے کے معاملے کو چوٹ لگنے واقعہ قرار دیا تھا، واقعہ ایک روز قبل پنو عاقل کے غریب آباد محلے میں پیش آیا، پولیس نے کارروائی کرتے ہوئے ملزم عبد الرحمن چاچڑ کو گرفتار کرلیاہے۔پولیس حکام کے مطابق ملزم عبد الرحمان چاچڑ نے اعترافِ جرم بھی کرلیا، ملزم نے والد کی تدفین کردی تھی پولیس تفتیش میں صورتحال واضح ہوئی ملزم نے اعترافی ویڈیو بیان جاری کرتے ہوئے کہا کہ والد میری پسند کی شادی نہیں کروا رہے تھے اس لیے چھری مار کر قتل کیا، والد کو قتل کرنے کے بعد چوٹ لگنے سے موت کا ڈرامہ کیا۔