اسلام آباد (آن لائن)تحریک انصاف نے لانگ مارچ سے متعلق سپریم کورٹ میں درخواست دائر کر دی ہے۔ عدالت عظمی میں تحریک انصاف کی جانب سے دائر درخواست میں استدعا کی گئی ہے

کہ وفاقی اور پنجاب حکومت کو پی ٹی آئی کو احتجاج کیلئے اجازت دینے کا حکم دیا جائے،احتجاج کے دوران کسی کارکن کو گرفتار نہ کیا جائے،احتجاج کے راستے میں رکاوٹیں حائل نہ کی جائیں،

وفاقی اور پنجاب حکومت کو تشدد اور طاقت کے استعمال سے روکا جائے،در خواست میں موقف اختیار کیا گیا ہے کہ احتجاج ہر شہری کا بنیادی حق ہے،آئین پاکستان بھی پرامن احتجاج کی اجازت دیتا ہے

،آرٹیکل 4 کے مطابق تمام شہریوں کو یکساں حقوق حاصل ہیں،تحریک انصاف کے احتجاج کے دوران بڑے پیمانے پر گرفتاریاں احتجاج روکنے کیلئے تھیں

،تحریک انصاف کے کارکنوں کیخلاف مقدمات آزادی اظہار رائے پر قدغن کے مترادف ہیں، وفاقی اور پنجاب حکومت کو احتجاج کیلئے اجازت دینے کا حکم دیا جائے