اسلام آباد(این این آئی)محکمہ موسمیات نے آنے والے دنوں میں ملک میں تیز ہواؤں اور گرج چمک کے ساتھ مزید بارشوں کی پیشگوئی کی ہے،آئندہ ہفتے میں مون سون کی شدت میں اضافے کا امکان ہے۔منگل کومحکمہ موسمیات کے مطابق بحیرہ عرب سے مون سون ہوائیں مسلسل ملک کے بالائی علاقوں میں داخل ہو رہی ہیں، 17اگست سے خلیج بنگال سے مر طوب ہواوں کی شدت میں اضافہ کی توقع ہے، مغربی ہوائیں ملک کے بالائی علاقوں پر اثر انداز ہو رہی ہیں اور 17اگست سے ان کی شدت میں اضا فے کا امکان ہے جس کے زیر اثر14سے 17اگست کے دوران اسلام آباد، کشمیر، بالائی پنجاب، خیبر پختونخوا اور گلگت بلتستان میں تیز ہواؤں اور گرج چمک کے ساتھ بارش اور کہیں کہیں موسلادھار بارش کا بھی امکان ہے۔18سے 21اگست کے دوران کشمیر (وادی نیلم، مظفرآباد، راولاکوٹ، پونچھ، ہٹیاں، باغ، حویلی، سدھنوتی، کوٹلی، بھمبر، میرپور)میں تیز ہواؤں اور گرج چمک کے ساتھ وقفہ وقفہ سے اکثر مقا مات پر بارش جبکہ کہیں کہیں موسلادھار بارش کی بھی توقع ہے۔ 18 سے 21اگست کے دوران گلگت بلتستا ن(دیامیر، استور، غذر، سکردو، ہنزہ، گلگت، گانچھے، شگر)میں تیز ہواؤں اور گرج چمک کے ساتھ وقفہ وقفہ سے بارش جبکہ چند مقا مات پر موسلادھار بارش کی بھی توقع ہے۔
خیبر پختونخوا میں18سے 21اگست کے دوران دیر، چترال، سوات، کوہستان، شانگلہ، بٹگرام، مانسہرہ، ایبٹ آباد، ہری پور، بونیر، مالاکنڈ، باجوڑ، مہمند، کوہاٹ، پشاور، چارسدہ، نوشہرہ، مردان، صوابی، خیبر، اورکزئی کرم، ہنگو اور کرک میں تیز ہواوں اور گرج چمک کے ساتھ وقفہ وقفہ سے اکثر مقا مات پر بارش جبکہ کہیں کہیں تیز/موسلادھار بارش کی بھی توقع ہے جبکہ 18سے 21اگست کے دوران بنوں، لکی مروت، وزیرستان، ٹانک اور ڈیرہ اسماعیل خان تیز ہواؤں اور گرج چمک کے ساتھ وقفہ وقفہ سے کہیں کہیں بارش جبکہ چند مقا مات پر موسلادھار بارش کی بھی توقع ہے۔پنجاب ،اسلام آباد میں18سے 21اگست کے دوران اسلام آباد/راولپنڈی، مری، گلیات، اٹک، چکوال، جہلم، منڈی بہاالدین، گجرات، گوجرانوالہ، حافظ آباد، وزیر آباد، لاہور، قصور، شیخوپورہ، سیالکوٹ، نارووال، میانوالی، خوشاب، سرگودھا، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد اور ساہیوال میں تیز ہواوں اور گرج چمک کے ساتھ وقفہ وقفہ سے اکثر مقا مات پر بارش جبکہ کہیں کہیں تیز/موسلادھار بارش کا بھی امکان ہے تاہم 18سے 21اگست کے دوران ڈی جی خان، بھکر، لیہ، ملتان، بہاولپور، بہاولنگر، راجن پور اور رحیم یار خان میں بھی تیز ہواوں اور گرج چمک کے ساتھ وقفہ وقفہ سے کہیں کہیں بارش اور چند مقا مات پر موسلادھار بارش کا امکان ہے۔بلوچستان میں18سے 22اگست کے دوران بارکھان، موسی خیل، لورالائی، سبی، ژوب، قلعہ سیف اللہ، خضدار، لسبیلہ، آواران، کیچ، گوادر اور پنجگور میں تیز ہواوں اور گرج چمک کے ساتھ بارش اور چند مقا مات پر موسلادھار بارش کا بھی امکان ہے۔
سندھ میں18سے 22اگست کے دوران: تھرپارکر، عمر کوٹ، میرپورخاص، حیدرآباد، شہید بینظیر آباد، کراچی، ٹھٹھہ، بدین، سجاول، ٹنڈو االلہ یار، ٹنڈو محمد خان، سانگھڑ، جامشورو، سکھر، لاڑکانہ، خیرپور اور جیکب آباد میں تیز ہواؤں اور گرج چمک کے ساتھ وقفہ وقفہ سے بارش اور چند مقا مات پر موسلادھار بارش کا بھی امکان ہے۔ممکنہ اثرات اور احتیاطی تدابیر کے تحت15سے 21اگست کے دوران شدید بارش کے باعث چترال، دیر، سوات، شانگلہ، مانسہرہ، کوہستان، ایبٹ آباد، بونیر، چارسدہ، صوابی، مردان، مری، گلیات، نوشہرہ، اسلام آباد/راولپنڈی، شمال مشرقی پنجاب اور کشمیر کے مقامی / بر ساتی ندی نالوں جبکہ18سے 21اگست کے دوران ڈیرہ غازی خان کے پہاڑی ندی نالوں اور بلوچستان کے مشرقی علاقوں میں طغیانی کا خطرہ ہے ،عوام الناس کو احتیاط کی ہدایت کی گئی ہے ۔15سے 21اگست کے دوران شدید بارشوں کے باعث اسلام آباد/راولپنڈی، گوجرانوالہ، لاہور، سیالکوٹ، پشاور اور نوشہرہ کے نشیبی علا قے زیر آب آنے کا خدشہ ہے۔اس دوران شدید بارشوں کے باعث خیبرپختونخوا کے پہاڑی علاقوں، گلگت بلتستان، مری، گلیات اور کشمیر میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ ہے،شدید بارشوں / آندھی / جھکڑ چلنے اور گرج چمک کے باعث روزمرہ کے معمولات متاثر ہونے، کمزور انفرا سٹرکچر (کچے گھر / دیواریں، بجلی کے کھمبے، بل بورڈز، گاڑیاں، سولر پینل وغیرہ)کو نقصان کا اندیشہ ہے۔مسافر اور سیاح حضرات سفر کے دوران زیادہ محتاط رہیں اور موسمی حالات کے مطابق اپنے سفر کا انتظام کریں اور بارشوں کے دوران کسی بھی ناخوشگوار صورتحال سے بچنے کے لئے موسم کے بارے میں آگاہی حاصل کریں۔تمام متعلقہ اداروں کو الرٹ رہنے اور کسی ناخوشگوار واقعہ سے بچنے کیلئے تمام ضروری اقدامات کرنے کی ہدایت بھی کی گئی ہے۔
