پشاور (این این آئی)وزیرتعلیم خیبرپختونخوا شہرام ترکئی نے کہا ہے کہ کورونا وبا کی وجہ سے کافی بچے اسکول چھوڑ چکے ہیں۔میڈیا سے گفتگو کرتے ہوئے شہرام ترکئی نے کہا کہ کورونا سے سب سے زیادہ نقصان تعلیم کا ہوا ہے۔انہوں نے کہا کہ صوبائی حکومت کوشش کررہی ہے کہ بچوں کو زیادہ سے زیادہ پڑھایا جاسکے، جو بچے اسکول سے باہر تھے ان کے لیے شام میں کلاسز کا انعقاد کیا گیا۔انہوںنے کہاکہ تعلیمی اداروں میں موبائل فون کے استعمال پر پابندی کا مقصد تعلیم کا نظام درست کرنا ہے، ہیٹ ویو کے حوالے سے اسکولوں کے بچوں کے لیے حکمت عملی تیار کی جائے گی۔