لاہور( این این آئی) قومی احتساب بیورو ( نیب) نیب کے ترجمان نے کہا ہے کہ فرح خان کا کیس نیب کے دائرہ اختیار میں آتا ہے نیب کسی بھی پبلک آفس ہولڈر یا اس کے اہل خانہ کے خلاف آمدن سے زائد اثاثوں کی انکوئری کا آغاز کر سکتا ہے۔ ترجمان نے کہا کہ فرح خان کے شوہر احسن جمیل گجر 1997سے 1999 تک ضلع کونسل گوجرانولہ کے چیئرمین رہے،آئین کے مطابق سابق عہدیدار یا ان کے اہل خانہ کے خلاف کرپشن و مالی بدعنوانی کی شکایات نیب کے دائرہ اختیار میں آتی ہے ،فرح خان کیس کی شفاف انداز میں تحقیقات کرے گا ،نیب ہیڈکوارٹرزکی جانب سے این اے او -1999 اور آملہ ایکٹ کو مدنظر رکھتے ہوئے فرح خان کے خلاف8خلاف انکوائری نیب لاہور کو ریفر کی گئی ہیں۔