دبئی(مانیٹرنگ ڈیسک) دبئی پولیس نے شہریوں کو تنبیہ کی ہے کہ وہ گھروں سے بھاگے ہوئے افراد کو ملازم نہ رکھیں کیونکہ اس سے معاشرے کو مختلف اقسام کے خطرات لا حق ہیں،روزنامہ جنگ میں سبط حیدر کی شائع خبر کے مطابق  پولیس نے شہریوں سے یہ بھی کہا ہےکہ وہ گھریلو ملازمین بھاگ جانے کی صورت میں فوری پولیس کو اطلاع دیں تاکہ سوسائٹی میں استحکام برقرار رکھا جاسکے۔ ڈاریکٹر انفلٹریشن آف دبئی پولیس کرنل علی سالم کا کہنا تھا کہ پولیس نے 948 بھاگے ہوئے گھریلو ملازمین کو گرفتار کیا ہے جن کا تعلق مختلف ممالک سے ہے۔ ان کا یہ بھی کہنا تھا کہ دبئی پولیس نے اس سلسلے میں ایک مہم شروع کررکھی ہے اور خصوصی طور پر ماہ رمضان میں مہم میں تیزی لائی گئی ہے۔