ساہیوال(مانیٹرنگ ڈیسک)پاکستان مسلم لیگ (ن) کی نائب صدر مریم نواز کے خلاف ایس ایچ او کو نازیبا زبان استعمال کرنے پر معطل کر دیا گیا، ڈسٹرکٹ پولیس آفیسر ساہیوال نے چیچہ وطنی صدر پولیس سٹیشن کے ایس ایچ او کو معطل کر دیا ہے۔موقر انگریزی اخبار کے مطابق ڈی پی او نے چیچہ وطنی صدر سرکل کے ڈپٹی سپرنٹنڈنٹ آف پولیس کو معاملے کی چھان بین کا حکم دیا تھا۔ تحقیقات میں اس بات کی تصدیق ہو گئی کہ ایس ایچ او، سب انسپکٹر اے ڈی شاہین نے فیس بک پر ن لیگ کی لیڈر مریم نواز کے متعلق نازیبا باتیں کیں۔جس پر سب انسپکٹر کو معطل کرکے پولیس لائنز ساہیوال رپورٹ کرنے کا کہا گیا ہے۔