اسلام آباد(مانیٹرنگ ڈیسک/این این آئی ) وفاقی کابینہ نے فیڈرل بورڈ آف ریونیو (ایف بی آر) کے چیئرمین کی تبدیلی کی منظوری دے دی۔نجی ٹی وی کے مطابق وفاقی کابینہ نے چیئرمین ایف بی آر اشفاق احمد کو تبدیل کرکے عاصم احمد کو نیا چیئرمین لگانے کی منظوری دی۔کابینہ کی منظوری کے بعد گریڈ 21 کے افسر عاصم احمد کو چیئرمین ایف بی آر مقرر کردیا گیا جس کا اسٹیبلشمنٹ ڈویژن نے نوٹیفکیشن بھی جاری کردیا ہے۔قبل ازیں وفاقی حکومت نے چیئرمین فیڈرل بورڈ آف ریونیو (ایف بی آر) اشفاق احمد کو عہدے سے ہٹانے کا فیصلہ کرلیا ۔ذرائع کے مطابق وفاقی حکومت نے چیئرمین ایف بھی آر کی تبدیلی کا فیصلہ کیا ہے۔ اشفاق احمد کی جگہ عاصم احمد کو چیئرمین ایف بی آر تعینات کرنیکی تجویز دی گئی تھی۔