اسلام آبا د(این این آئی)پی ڈی ایم کے سربراہ مولانا فضل الرحمان نے کارکنان کے نام ویڈیو پیغام میں کہاہے کہ ہمارے لانگ مارچ کی کامیابی کیلئے کسی قسم کی کمی نہیں ہونی چاہیے۔ منگل جاری بیان کے مطابق انہوںنے کہاکہ امید ہے تمام سیاسی جماعتوں کے کارکن اسلام آباد کی طرف روانگی کیلئے تیار ہونگے، ہمارے لانگ مارچ کی کامیابی کیلئے کسی قسم کی کمی نہیں ہونی چاہیے۔ انہوںنے کہاکہ آزادی مارچ ہوا، کارکنان ن

ے بڑی تعداد میں 14 دن اسلام آباد میں گزارے، چند روز قبل پارلیمنٹ لاجز میں ریاستی دہشتگردی کی گئی۔ انہوںنے کہاکہ پارلیمنٹ کے ممبران اور ان کے مہمانوں، جے یو آئی کے کارکنوں پر تشدد کیا گیا، میری کال پر ایک گھنٹے سے کم وقت میں ملک آپ نے جام کردیا۔ انہوںنے کہاکہ آپ جوش و جذبے سے سڑکوں پر نکلے جس کیلئے میں آپ کا ممنون ہوں، مجھے امید ہے کہ پہلے کی طرح اس بار بھی آپ کوئی کمی نہیں چھوڑیں گے۔