سکھر(آئی این پی)سکھر میں ایک شخص نے شادی کرنے سے انکار پر اقلیتی برادری کی لڑکی کو قتل کر دیا۔پولیس کے مطابق تھانہ پٹنی کی حدود میں ملزم واحد بخش لاشاری نے پوجا نامی لڑکی کو شادی سے انکار کرنے پرگھر سے اغوا کرنے کی کوشش کی تاہم لڑکی نے مزاحمت کی تو ملزم نے فائرنگ کر دی جس کے باعث لڑکی ہلاک ہو گئی۔دوسری جانب لڑکی کے قتل پر لواحقین غم سے نڈھال ہیں۔پولیس کا کہناہے کہ ملزم کو گرفتار اسلحہ برآمد کرلیا ہے اورملزم نے اعتراف جرم بھی کرلیا ہے،تاہم مزید تفتیش کی جارہی ہے۔