اسلام آباد (آن لائن )وزیر اعظم عمران خان نے کہا ہے کہ پاکستان مسلسل تعاون اور بڑھتے ہوئے تعلقات کا منتظر ہے۔ وزیراعظم نے یہ بات اسلامی ترقیاتی بینک گروپ کے چیئرمین ڈاکٹر محمد سلیمان الجاسر سے ملاقات میں کہی جنہوں نے پیر کو یہاں وزیر اعظم سے ملاقات کی۔ڈاکٹر الجاسر نے وزیر اعظم کو آئی ایس ڈی بی کے پروگراموں کے بارے میں بریفنگ دی۔عمران خان کا کہنا تھا کہ
پاکستان آئی ایس ڈی بی کے ساتھ اپنی شراکت داری کو بہت اہمیت دیتا ہے۔اس موقع پر وزیراعظم نے پاکستان کے ساتھ آئی ایس ڈی بی کی دیرینہ اور قابل اعتماد شراکت داری اور توانائی، مالیات، ٹرانسپورٹیشن، تعلیم اور صحت جیسے مختلف شعبوں میں اس کی حمایت کو تسلیم کیا اور اس کے ساتھ کورونا ویکسینز کی خریداری کے لیے پاکستان کے لیے آئی ایس ڈی بی کے تعاون کو بھی سراہا۔
