کوئٹہ(آئی این پی)افغان سرحد سے ملحقہ پاکستانی علاقوں میں جلدی وباء پھوٹ پڑی ہے۔نجی ٹی وی کے مطابق بلوچستان کے علاقے ژوب میں لشمنیا بیماری پھیلنے لگی ہے، لشمنیا مرض کے روزانہ کے بنیاد پر 30سے 35کیس رپورٹ ہونے لگے ،اسپتال انتظامیہ کا کہنا تھا کہ

لشمنیا مرض کے اکثر کیسز سرحدی علاقوں سے رپورٹ ہو رہے ہیں، یہ بیماری افغانستان کے سرحدی علاقے سے پاکستان میں داخل ہوئی ہے۔محکمہ صحت کے مطابق بیماری سے متعلق کوئٹہ میں بھی تین سینٹرز قائم کیے گئے ہیں، سول اسپتال بی ایم سی اور شہید بینظر اسپتال میں سینٹرز قائم ہیں۔محکمہ صحت کے ذرائع نے بتایا کہ لشمنیا بیماری کو کنٹرول کرنے کے لئے انجکشن اسپتالوں میں دیئے ہیں، بیماری کو اگر وقت سے پہلے کنٹرول نہیں کیا گیا تو بیماری زیادہ بڑھ سکتی ہے۔ذرائع کا کہنا تھا کہ لشمنیا کے مریضوں کے لئے مخصوص وارڈ بھی بنائے گئے ہیں، بیماری اب تک اتنی خطرناک نہیں کہ مریض کو اسپتال میں داخل کیا جائے، مریض کو انجکشن دے کر واپس گھروں کو بھیج دیا جاتا ہے۔