کوپن ہیگن (شِنہوا)نیٹو کی مشقوں میں شریک ایک امریکی طیارہ شمالی ناروے میں گر کر تباہ ہو گیا ہے ۔ طیارے میں عملہ کے 4 رکن سوار تھے۔شمالی ناروے میں مشترکہ ریسکیو کوآرڈنیشن سنٹر یا ہوویڈریڈنگزسینٹرل(ایچ آر ایس)نے بتایا کہ عمودی اڑان بھرنے والا 2 انجنوں والا

فوجی طیارہ بیل بوئنگ وی22 تربیتی مشن کے دوران بوڈو میں اپنی طے شدہ منزل پر پہنچنے میں ناکامی کے فورا بعد لاپتہ ہو گیا۔ایچ آر ایس کے پریس افسر جان ایسکلڈ سیورینسن کے مطابق طیارے کا ملبہ رات 9 بجکر 17 منٹ پر بوڈو کے شمال میں متعدد غاروں کی وجہ سے مشہور وادی گراٹاڈلین کے نزدیک سے دریافت ہوا۔اطلاع ملتے ہی زمینی امداد کو روانہ کر دیا گیا اور وہ ابھی جائے حادثہ پر پہنچنے کی کوشش کر رہے ہیں لیکن فضا سے ملبے کے آس پاس کے علاقے میں زندگی کے کوئی آثار نظر نہیں آ رہے ہیں۔یہ طیارہ 10 مارچ سے 10 اپریل تک شیڈول نیٹو کی مشترکہ زمینی ، سمندری اور فضائی تربیتی مشقوں میں شریک تھا۔ مشقوں کو “کولڈ ریسپانس ” کا نام دیا گیا ہے۔